Panganteur

  PANGJAJAP

        Puji sinareng sukur kasanggakeun ka Alloh Swt. Kalawan rohmat sinareng barokah-Na, ieu Modul Digital Pangajaran Bahasa Sunda Kelas X, XI, XII tingkat SMA Di SMAN 1 Leuwimunding Kabupaten Majalengka Provinsi Jawa Barat tiasa réngsé.
        Ieu modul digital téh disusun kalayan nimbang-nimbang kondisi, kamampuh, sinareng
kabutuh siswa SMAN 1 Leuwimunding. Eusi modul ngahaja disusun kalayan sistematis,
ringkes, mundel, tur pikaresepeun. Lian ti éta, ieu modul dikonsép sangkan siswa bisa diajar
mandiri, tur henteu leupas tina guru kalayan inténsif.
       Ieu modul dilengkepan ku téks bacaan nu loyog tur ngirut. Eusi matéri gampang dipikaharti, sok sanajan masih dina pengembangan aya hiji pakakas nya éta kamus alit online nu tacan tiasa dipidangkeun dina ieu blog. Mugya éta kamus alit téh tiasa énggal diréngsékeun, sabab mibanda fungsi anu penting pisan. Kusabab lingkungan SMAN 1 Leuwimunding mah kaasup kana dwibahasawan antara Sunda jeung Jawa Cirebon.
        Tangtuna, kahontalna tujuan pangajaran téh dirojong ku bahan ajar nu mundel,
salasahijina nyaéta modul pangajaran dina wanda digital. Ngaliwatan modul digital ieu dipiharep bisa ngigelan jaman nu asup kana alam digitalisasi. Ieu modul digital dipiharep bisa ngadeudeul siswa dina mikapaham matéri basa Sunda di Kelas X, XI, XII di tingkat SMA, hususna kanggé lingkungan SMAN 1 Leuwimunding.
    Pamungkas, simkuring seja ngahaturkeun réwu nuhun ka sadaya pihak nu parantos ngarojong medalna ieu modul digital. Mugia tiasa ngabantos pancén réréncangan guru dina
ngahirup-huripkeun basa Sunda. Tangtos baé seueur kénéh kakiranganana. Ku kituna,
pangdeudeul, kritik, sinareng saran kalintang diantos-antos pisan. Urang sarungsum bari
maju baé, pikeun bahan révisi tur ngahasilkeun modul digital nu langkung mundel. Sakitu anu kapihatur. Nyanggakeun saaya-aya. Haturnuhun pisan, mugya aya mangpaatna.

Berbagi :