WAWANCARA

Téhnik Wawancara

Wawancara téh nyaéta tanya jawab hiji jalma jeung jalma séjén anu tujuanana keur ngumpulkeun informasi. Bisa pogé dilakonan ku dua jalma atau leuwih, boh nu nanyana boh nu ngajawabna. Tangtu baé nu mikabutuh informasi téh nu nanyana, ari nu dipharep bisa méré informasi nyaéta jalma anu diwawancara atau sok disebut ogé narasumber.

Wawancara biasana dilakonan ku  wartawan atau réporter keur nyieun hiji warta. Tapi aya deui nu sok ngayakeun wawancara jeung narasumber téh, upaman baé ménéjer pausahaan ka calon karyawan, patugas sénsus ka masarakat, atau dokter ka pasénna. Tujuanana sarua, pikeun ngagali informasi.

Saméméh ngayakeun wawancara, biasana mah kudu nangtukeun heula topik jeung tujuanana. Topik téh keur muguhkeun masalah naon nu rék digali dina wawancara. Sedengkeun tujuan nkeur muguhkeun informasi naon baé anu hayang kakumpulkeun tina éta wawancara téh? Sanggeus topikna jeung tujuanana dipuguhkeun, kakara tangtukeun saha narasumberna.

Dina milih narasumber ogé teh sabongbrong. Tegesna, narasumber téh kudu jalma nu dianggap mampuh méré informasi sarta paham kana masalah nu ditanyakeun. Malah sok dipilah-pilah, aya narasumber utama atau primér, aya deui narasumber tambahan atau sékundér. Jalma anu dianggap apal pisan kana masalah jeung kompetensi ngajawab éta masalah sok disebut narasumber utama. Ari narasumber tambahan mah ukur keur ngalengkepan.

Sanggeus ditangtukeun narasumberna,, teh ujug-ujug langsung ngayakeun wawancara. Nu ngawawancara biasana nyusun heula pertanyaan, luyu jeung kabutuh informasi nu hayang dikumpulkeun. Dina nyusun pertanyaan bisa ngagunakeun rumus 5W + 1 H. Éta téh mangrupa singgetan tina kecap-kecap pananya dina basa Inggris. Wincikanana:

What-naon

Where-mana, di mana

When-iraha

Who-saha

Why-naha

Ditambah ku:

How-kumaha

Upamana urang hayang meunang informasi ngeunaan mekarna pupuh raéhan. Urang bisa nyusun pertanyaan nkieu:

Naon nu disebut pupuh raéhan téh? Naon bédana jeung pupuh buhun?

Di lingkungan mana éta pupuh nyebar jeung populerna téh?

Iraha diciptakeunana jeung ti mimiti iraha populérna?

Saha nu nyiptakeun atau mopulérkeunana téh?

Naha anjeunna bet nyiptakeun pupuh raéhan?

Kumaha réaksi masarakat kana munculna pupuh raéhan?

Dina nyusun pertanyaan, urang anu ngawawancara kudu boga sikep kritis, ulah sakadar nepikeun pertanyaan nu geus disusun. Lamun aya anu kudu dikoméntaran atau aya hal-hal anu urang henteu panuju kana jawaban nnanrasumber, ku urang bisa disusul tepus atau ditanyakeun deui.

Sanggesu pertanyaan disusun, kakara maheutkeun jangji jeung narasumber pikeun ngayakeun wawancara. Mun geus sapuk mah, tepung jeung di mana jeung iraha-irahana, kakara ngayakeun wawancara. Léngkah satuluyna nyaéta nyusun laporan wawancara.

Jadi, mun diruntuykeun mmah léngkah-léngkah wawancara téh kieu:

Ngarumuskeun topik jeung tujuan wawancara

Neuleuman masalah nu rék dipaké bahan wawancara

Nangtukeun narasumber jeung maluruh biodatana

Nyusun daftar pertanyaan nu rék ditepikeun ka narasumber

Maheutkeun jangji jeung narasumber keur wawancara

Ngalaksanakeun wawancara luyu  jeung jangji saméméhna

Nyusun laporan wawancara

Léngkah-léngkah Wawancara	Dadaran
1. Ngarumuskeun topik jeung tujuan wawancara	Topik: Munculna pupuh raéhan minangka inovasi dina seni pupuh.   Tujuan: Ngumpulkeun rupa-rupa informasi ngeunaan sajarah jeung mekarna pupuh raéhan.
2. Nangtukeun narasumber, sarta maluruh atau nyiapkeun bahan (biodata) perkara narasumber	Yus Wiradiredja, seniman anu ogé dosém di Institut Seni dan Budaya Indonesia (ISBI) Bandung, kalahiran Cianjur.
3. Nyusun daftar pertanyaan.	·         Naon nu disebut pupuh raéhan téh? Naon bédana jeung pupuh buhun? ·         Di lingkungan mana éta pupuh nyebar jeung populérna téh? ·         Iraha diciptakeunana jeung mimiti iraha populérna? ·         Saha nu nyiptakeun atau mopulérkeunana téh? ·         Naha Anjeunna bet nyiptakeun pupuh raéhan? ·         Kumaha réaksi masarakat kana munculna pupuh raéhan?
3. Maheutkeun jangji jeung narasumber.	Wartawan nyieun jangji jeung narasumber nyamggupan pikeun wawancara.
4. Ngalaksanakeun wawancara	Luyu jeung jangji, wawancara dilaksanakeun di kampus ISBI, Jl. Buah Batu Bandung.
5. Nyusun laporan wawancara	Hasil wawancara dituliskeun mangrupa laporan dina wangun tanya jawab, sarta dijudulan “Pupuh raéhan, Ngajawab Panangtang Jaman.”

 

Patali jeung nyusun laporan wawancara, aya dua pilihan. Laporan bisa ditulis mangrupa tanya jawab siga bacaan di luhur, atau bisa dina wangun narasi. Warta nu sok dimuat dina koran, éta téh wangun laporan narasi dina hasil wawancara antara wartawan jeung narasaumber.

Berbagi :